Ֆոտոէսսե

Ֆոտոպատմությունը` Փիրուզա Խալափյանի

«Երեխաների տունը» որպես մանկատուն Գյումրիում գործում է 1945 թվականից: Աշխատանքի և սոցիալական հարցերի նախարարության ենթակայությամբ ու ֆինանսավորմամբ գործող այս հաստատությունում այժմ ապրում է առանց ծնողական խնամքի մնացած, Հայաստանի տարբեր մարզերից այս մանկատուն բերված հաշմանդամություն ունեցող 0-6 տարեկան 130 երեխա:

Մեկ տարեկանից բարձր տարիքում մանկատուն հանձնված երեխաները մշտապես սպասում են` ամեն օր արթնանում և հարցնում են դայակներին` «մամաս էսօր չեկա՞վ»:

«Երբ երեխաներին հանձնում են մանկատուն, առաջին ամիսը այցի գալիս են, ապա զանգերն ու այցերը նվազում են, որպես կանոն` նաև վերանում»,- ասում է «Երեխաների տուն» ՊՈԱԿ-ի տնօրեն Ռուզաննա Ավագյանը:

Սակայն անգամ մտավոր հետամնացություն ունեցող երեխաները, տնօրենի խոսքով` միշտ հիշում և ճանաչում են իրենց ծնողներին, որքան էլ ծնողն ուշ է այցելում, երեխան ներողամիտ է` գրկում, սիրում է իր ծնողին:

© Medialab.am